Euskara

euskadi.eus

Kanpo-harremanak

Gutuna: Barkamena eskatu

Agiri-ereduen bankua

Egitura

Hartzailearen helbidea

Leihodun gutunazala erabiliz gero, hartzailearen helbidea eskuinaldean orriaren goiko aldean idatziko dugu.
> Datu horiek gutunazalean ere adieraz daitezke.

Izenburua

Izenburuan, aztertuko dugun gaia aipatuko dugu, irakurleak berehala identifika dezan.

Hasierako agurra

Idazkiaren hartzaileari nolako formaltasun-maila dagokion, halako agurra aukeratu behar dugu.

Barkamena eskatu

Gutunaren hasieran, barkamena eskatuko dugu, akatsa edo arazoa aipatuz.

Azalpena

Atal honetan akatsa gertatu izanaren arrazoiak azalduko ditugu, datu teknikoetan gehiegi sakondu barik.

Eskerrak eman

Elkarrekin lan egiteagatik eta gugan jarritako konfiantzagatik eskerrrak emango dizkiegu. Testuari amaiera emateko mezu positiboren bat idatziko dugu, gertatu den arazoa berriro gertatuko ez den desioa adieraziko dugu.

Bukaerako agurra

Idazkiaren hartzaileari nolako formaltasun-maila dagokion, halako agurra aukeratu behar dugu.

Toki-egunak

Gutuna sinatu den toki-egunak adierazi behar dira.

Igorlearen sinadura eta datuak

Dataren ostean sinatu, eta azkenik, sinatzailearen datuak idatzi behar dira.

Oharrak

Oharrik izanez gero, orriaren behealdean, Oh. laburduraren ondoren, idazten dira.

euskarazko eskema ikusi

Azken eguneratzea: 2007/01/09
Euskadi, auzolana