euskadi.eus

Hasiera

Hemen zaude:
  1. Hasiera
 

Ikasi euskara!

Euskara ikasi nahi? Aspaldian zabiltza euskara ikasi nahian eta inoiz ez da une egokia? Bada, orain bai. Ez ezazu euskara ikasteko aukera galdu eta anima zaitez.

 

Ikastaro motak

Euskaltegi bat ikasle helduek euskara ikasi eta lantzen duten zentroa da. Zentro horietan ematen diren euskara ikasketak mota ezberdinetakoak dira. Ondorengo ikasketa motak daude:

  • Eskola-ikastaroa: astelehenetik ostiralera izaten dira eskolak, goizez, arratsaldez edota gauez. Modulu eta erritmo ugari daude (ordu eta erdi, bi ordu...). Ohikoena astean 10 ordu irauten duena da.
  • Ikastaro trinkoak: astelehenetik ostiralera izaten dira, baina iraupena egunean 4 edo 5 ordukoa da.
  • Ikastaro bereziak: enpresa, erakunde, eskola, denda edota beraien lantokietara euskara gerturatu nahi duten beste edozein talderi zuzendutako ikastaroak dira.
  • Udako ikastaroak: uztailean eta irailean izaten dira ikastaro horiek, lehen aipaturiko moduetan.
  • Barnetegiak: programa horietan ikasleak eguneko 24 orduak giro euskaldunean, bai eskoletan eta baita horietatik kanpo ere, igarotzen ditu. Horrela, egun osoz hitz egiten du euskaraz.
  • Hizkuntza-eskakizuna: Administrazio Orokorreko (IVAP) edo irakaskuntzako (IRALE) postuetan lan egiteko behar den euskara azterketa gainditzeko antolatzen diren ikastaroak dira.
  • Multimedia bidezko autoikaskuntza sistemak: euskara etxetik ikasteko aukera eskaintzen dute.

Hasierara joan

Euskaltegi sarea

Habe

Euskal Herri osoan mota ezberdinetako euskaltegiak daude. Horietan guztietan duzu euskara ikasteko aukera. Gainera, bakoitzak aukera ezberdinak jartzen dizkizu eskura eta ziur zure beharretara egokitzen den ikastaroren bat aurkitzen duzula. Aukeratu zuretzat egokiena dena eta ikasi euskara. HABE-Ikasbil web orrialdeak duen bilatzailean Euskadi, Nafarroa eta Iparraldeko euskaltegiak eta Euskal Etxeak aurkituko dituzu. Zerrenda horretan euskaltegi publikoak, pribatuak eta autoikaskuntza zentro homologatuak daude.

Udal

Euskaltegiak bi motatakoak izan daitezke: publikoak eta pribatuak.

  • Publikoak: eskola horiek udalen menpe daude. Udal Euskaltegiak bezala dira ezagunak. Euskal Autonomia Erkidegoko 44 udaletan aurkituko dituzu udal euskaltegiak.
  • Pribatuak: entitate partikularren esku dauden zentroak dira. Homologatuak eta libreak izan daitezke.  
Aek Ika Elkarlan logotipoa

Bestelakoak

 Euskaltegi hauetaz guztietaz gain, badira beste hainbat euskaltegi ere:

Hasierara joan

Barnetegiak

ikasle taldea
Egilea:Praktikatu

Euskara ikasteko beste aukera bat barnetegiek eskaintzen dute. Horietan, modu trinkoan ikasi dezakezu euskara. Gainera, zure beharretara eta mailara egokitzen diren ikastaro ezberdinak aurkituko dituzu barnetegietan. Egin aukera dauden barnetegien artean eta ikasi euskara.

Hasierara joan

Hizkuntza-Eskola Ofizialak

Hizkuntza-eskola ofizialetan ere euskara ikasi eta hobetzeko aukera duzu. Gainera, Hizkuntza-eskoletako agiria lortzeko azterketa ere egin dezakezu. Euskal Autonomia Erkidegoan hamalau eskola daude. Eskola horien inguruko informazioa eta lortu daitezkeen hizkuntza-ziurtagirien inguruko informazioa irakur dezakezu.

Hasierara joan

Autoikaskuntza

Internet

Ikastaro bat egiteko denbora eta gogorik ez baduzu, baina euskara ikasi nahi baduzu, ez kezkatu. Etxetik mugitu ere egin gabe euskara ikasi ahal izango duzu. Lasai asko, eta zeure erritmoan, euskara menderatu ahal izango duzu.

Ikasten.net
Ikasten.net euskara ikasteko baliabide didaktiko berria da, Eusko Jaurlaritzaren Hezkuntza, Unibertsitate eta Ikerketa sailaren Hiru.com etengabeko ikaskuntzako atarian eskuragarri dauden ekimenetako baten barruan dagoena. Ikasten.net euskara edozein pertsona helduri munduko edozein lekutara helarazteko diseinatuta dago, eta eskakizun bakarra Interneterako konexioa duen ordenagailu bat izatea da. Lan-ingurunea dibertigarria eta informala da, eta beste presentziazko edo online ikastaro batzuen osagarri gisa, zein hizkuntza ikasteko oinarri gisa erabili nahi dutenei zuzenduta dago.
Boga
Autoikaskuntza Multimedia Sistema honek euskara internet bidez ikasteko aukera ematen du. Ordenagailu bidez, on-line funtzionatzen du  Boga sistemak. Sartu ahal izateko, pasahitz bat izan behar duzu, euskaltegi edota Euskal Etxe batean izena ematean eskuratuko duzuna.
Bai & By
Bai & byBai & By programa multimedia da eta bertan teknologiaren azken aurrerakuntzak eta Adimen Artifizalaren teknikak erabiltzen dira ikasteko. Euskara eta ingelesa etxetik mugitu ere egin gabe eta modu errazean ikasteko aukera ematen du Bai & Byk.
Mondragon-Lingua
Mondragon-Lingua logotipoaMondragon-Lingua ere autoikaskuntza zentro homologatua da. Arrasaten, Bilbon, Oñatin, Donostian eta Gasteizen ditu egoitzak.
Kaixo
KaixoKaixo.com eta Habek elkarlanean abian jarri duten Kaixo sistemari esker etxetik eta internet bidez ikasi daiteke euskara. On-line bidezko euskaltegia da Kaixo.com eta bertan, gramatika ikasgaiak eta ariketak daude. Irakasle baten laguntza ere eskaintzen du programak.
Santurtziko Udal euskaltegia
SanturtzieusSanturtziko Udal euskaltegiak euskara autoikaskuntza bidez ikasteko aukera ematen du. Gainera, sistema bakoiztua eskaintzen du euskaltegiak. Intersatuta bazaude, irakurri Santurtziko Udal euskaltegiaren inguruko informazioa.
Urumea euskaltegiak
Urumea Euskaltegi honek euskara autoikaskuntza bidez ikasteko sistema bakoiztua eskaintzen du. Era berean, tutoretza eta telefono bidezko elkarrizketa saioak ere baditu. Informa zaitez Urumea euskaltegia inguruan.

Autoikaskuntza eskaintzen duten Euskaltegiak Euskadin.

Hasierara joan

Beste baliabide batzuk

Ikasbil Logotipoa Ikasbil euskara ikasten ari direnentzako ataria da. Bertan bideoak, audioak eta testuak dituzu. Zuren ikasketetan lagungarriak izango zaizkizun beste baliabide batzuk dituzu: aldizkariak, denborapasak, abestiak, txisteak, irratinobelak, istorio animatuak, errezetak,  trikimailuak, ipuinak, eta abar. Zure beharretara ongien egokitzen dena aukeratu besterik ez duzu.
 

Hasierara joan

Euskara atzerrian

Euskal Herritik kanpo bizi bazara, baina euskara ikasteko gogoa baduzu, ez kezkatu, gure mugetatik kanpo ikastaroak egiteko aukera baitago. Madril, Bartzelona, Malaga, Valentzia, Valladolid, Argentina, Belgika, Brasil, Italia, Txile, AEB, Erresuma Batua, Frantzia, Puerto Rico, Uruguay, Venezuelan eta abar, ikastaroak egin daitezke. Era berean, Euskal Herritik kanpora ere autoikaskuntza bidez ikas dezakezu.

Mintzanet Mintzanet  munduko edozer txokotan egonda ere euskaraz hitz egiteko aukera eskaintzen duen tresna da. Skype bidez, noiznahi, euskaraz mintzatzen diren lagunak topatuko dituzu webgune honetan.

Hasierara joan

Dirulaguntzak

Horretaz gain, HABEn eska ditzakezu euskara ikasteko dirulaguntzak. Era berean, galdetu zure udaletxean ea laguntza bereziak eskaintzen dituzten euskara ikasi nahi dutenentzat.

Habe net

Hasierara joan

Azken eguneratzea: 2017/10/11
Euskadi, auzolana